Maach mat

Mir sichen aktiv nei Memberen, déi sech bei den Entscheedungen an der Organisatioun vun OUNI involvéieren wëllen – Maacht mat !

OUNI ass eng Cooperative, dat heescht dass se komplett de Membere gehéiert an och vun hinne geréiert gëtt.

Mir bidden zwou Zorten u Memberschaft un:

Memberen

  • hunn d’Recht an der Assemblée Générale ze wielen (all Member huet eng Stëmm onofhängeg vun der Unzuel u Parten déi him gehéieren)
  • kënnen an de Conseil d’Administration gewielt ginn
  • kënnen hir Parten rembourséiert kréien no Accord vun der Assemblée Générale annuelle
  • ginn invitéiert op Evenementer, déi speziell fir d’Memberen organiséiert ginn

Aktiv Memberen

  • hunn déi selwecht Rechter a Virdeeler wéi d’Memberen
  • ginn 2 Stonnen am Mount vun hirer Zäit fir bei OUNI auszehëllefen
  • kréien e “Starter Pack” (Bocal und Cotténgs Täschen)
  • participéieren un de Workshopen a Seminairen vun OUNI fir den hallwen Präis
  • hunn d’Méiglechkeet fir den Aarbechtsgruppen beizetrieden
  • kréien 5% Reductioun op allen Artikelen am Buttek

Parte kafen

Dir kënnt OUNI ënnerstëtzen andeems Dir e Member vun der Cooperative gitt. Fir Member ze ginn, kënn Dir eng (oder méi) Part(en) kafen. Eng Part kascht 100€. Och wann eng Part duer geet fir Member ze ginn, encouragéieren mir Iech fir méi Parten ze kafen fir den Opbau vun der Cooperative an d’Ouverture vum Buttek ze ënnerstëtzen. Mëttlerweil hu mir eist Finanzéierungskapital fir OUNI zesummen a sinn elo am Gaangen e passend Lokal ze sichen. Mir hu wëlles de Buttek an der Stad Lëtzebuerg op ze maachen a wëll mer e Lokal mat Parkingsméiglechkeete sichen, kann dës Sich nach e bëssen Zäit an Usproch huelen. Merci fir Är Gedold – eist Zil ass et d’Epicerie sou séier wéi méiglech op ze maachen!

Maacht mat !

  1. Lued d’Statuten an d’Charta erof a lies se.

  2. Lued den Umeldeformulaire erof a schéck en ausgefëllt zréck per E-Mail oder per Post.

  3. Maach eng Iwwerweisung op de Konto vun OUNI vum Montant vun denger(en) Part(en) (Detailer um Umeldeformulaire).

  4. Du kriss dann e Member-Certificat zougeschéckt. Wëllkomm!

Questions? Email us at cooperative(at)ouni.lu