FAQ

Heefeg gestallte Froen

(FAQ)

Mäin Investissement

Ass OUNI eng legal Entitéit? Wéi ee Genre vu Betrib ass et?

OUNI ass eng Cooperative (“société coppérative”) baséiert op d’Lëtzbuergescht Gesetz vun 1915. OUNI ass de 6. Februar 2016 gegrënnt ginn.

Wéivill Kapital gouf gebraucht fir de Buttek op ze maachen? Woufir gëtt et gebraucht?

Mir hunn 180,000€ fir de Buttek kënnen op ze maachen gebraucht.

Dat gesammelt Kapital gouf haaptsächlech gebraucht fir:

  • den éischten Stock fir de Buttek ze kafen
  • d’Siloen (“bulk bins”) an anert Equipement ze kafen
  • eng professionell Spullmaschinn ze kafen fir d’Pfandglieser an –dëppercher ze spullen
  • d’Keesen, d’Woen an en IT-System
  • eng Internet Säit ariichten ze loossen fir online Bestellungen duerch ze féieren
  • Formatiounen vun den aktive Memberen an den Employéeën virun der Eröffnung vum Buttek ze garantéieren
  • déi éischt Salairen a Loyéeën ze sécheren, d’Kautioun inclus
Wéi kann ech eng Part kafen ?

Fëll den Umeldeformulaire aus a schéck en zréck per Post (OUNI, 94, rue de Bonnevoie L-1260 Luxembourg) oder per E-Mail (hello@ouni.lu) an iwwerweis de Betrag vun denger(n) Part(en) op d’Kontosnummer:

Numm: Société coopérative OUNI, IBAN: LU82 0019 4755 3533 3000, BIC: BCEELULL. Du kriss dann däi Member-Certificat zou geschéckt

Verléieren ech meng Suen am Fall wou d’Cooperative faillite geet ? Ginn d’Memberen an d’Resbonsabilitéit gezunn bei schlechter Verwaltung ?

Am Fall wou d’Cooperative opgeléist muss ginn, gëtt de ganze Bestand verkaf an d’Membere gi rembourséiert soubal d’Finanzen et zouloossen. Natierlech besteet och d’Méiglechkeet dat d’Memberen d’Entscheedung an der Assemblée générale huelen d’Cooperative opzeléise wann dat als noutwenneg gesi gëtt. D’Membere ginn op kee Fall an d’Responsabilitéit gezu wéint schlechter Féierung vun der Cooperative.

Wat geschitt wann ech d’Cooperative verloossen ? Kréien ech meng Suen zréck ?

Wann s de d’Cooperative verloosse wëlls, kriss de deng Part(en) zu hirer Valeur nominale rembourséiert, dat heescht wann s de 100€ investéiert hues, kriss de 100€ rembourséiert. D’Remboursement vu Parte fënnt nëmmen da statt, wann déi finanziell Mëttel et zouloossen.

Kann ech elo eng Part kafen an zu engem spéideren Zäitpunkt weider Parten kafen?

Jo, et ass méiglech zu all Zäitpunkt Parten ze kafen. Et gëllt ze beuechten, dat s de ee Stëmmrecht hues, egal wéi vill Parten dat s de besetz.

Wat ass de Virdeel wann ech méi wéi eng Part kafen ?

Wann s de méi wéi eng Part besetz, kriss de e méi grousse Gewënnundeel ausbezuelt. Du gëss och e méi grousse Bäitrag fir et méiglech ze maachen dat de Buttek kann opgemaach ginn.

Memberschaft

Wéi kann ech Member ginn ?

Du gëss Member wann s de eng oder méi Parten vun der Cooperative keefs. Eng Part kascht 100€. Fëll den Umeldeformulaire aus a schéck en zréck per Post (OUNI, 94, rue de Bonnevoie L-1260 Luxembourg) oder per E-Mail (hello@ouni.lu) an iwwerweis de Betrag vun denger(n) Part(en) op d’Kontosnummer: Numm: Société coopérative OUNI, IBAN: LU82 0019 4755 3533 3000, BIC: BCEELULL. Du kriss dann däi Member-Certificat zou geschéckt.

Firwat soll ech Member ginn amplaz just Client ?

Wann s de Member gëss, ënnerstëtz de dëse kooperativen Projet a gëss matverantwortlëch. an Du hues och e Stëmmrecht an der Assemblée générale vun der Cooperative. Zudeem bass de Deel vun enger Communautéit.

Wat ass den Ënnerscheed tëscht engem Member an engem aktive Member ?

All Member an aktive Member huet e Stëmmrecht an der Assemblée générale, kann an de Conseil d’Administration gewielt ginn, kritt e Gewënnundeel op säin Investissement a gëtt op speziell Evenementer fir d’Memberen invitéiert.
Aktiv Memberen engagéieren sech fir 2 Stonnen Benevolat pro Mount a kréien zousätzlech e “Starter Pack” (1 Glas Bokal, 5 Kottongssäck), si kënne fir den hallwe Präis un den Atelieren an Seminaire bei OUNI deelhuelen, hunn d’Méiglechkeet bei den Aarbechtsgruppe mat ze maachen a kréie 5% Remise op allen Artikelen am Buttek.

Kann ech mäi Member Status wiesselen ?

Jo, et ass méiglech vum “aktive Member” zum “Member” ze wiesselen oder ëmgedréit. De Conseil d’administration muss iwwert de Wonsch ze wiesselen informéiert ginn. Ënnerhalb vun zwee Méint gëtt de Changement virgeholl. Et gëllt ze beuechten, dat en “aktive Member” méi Virdeeler huet wéi e “Member”.

Gëtt et e Mindestalter fir Member oder aktive Member ze ginn ?

Jidderee ka Member ginn, awer wann eng Persoun ënner 18 Joer al ass, muss hiren Erzéiungsberechtegten an hirem Numm agéieren. OUNI erlaabt de Persounen ënner 18 Joer net am Buttek ze schaffen, dofir kann een ënner 18 Joer net aktive Member ginn.

Kann ech Member ginn an anonym fir déi aner Memberen bleiwen ?

Nee, d’Lëscht vun de Memberen ass ëffentlech.

Aktiv Memberschaft

Wat muss ech als aktive Member maachen ? Wat implizéieren déi zwou Stonnen Benevolat ?

Et gi vill Beräicher an deene s du täteg kann ginn. Mir imposéiere keng Aarbechten a versichen dat all aktive Member sengen Interessen a Fähegkeeten no agesat ka ginn. Op engem Online-Kalenner kann een sech aschreiwen (Typ vun Aarbecht, Datum, Auerzäit).
Fir eng gutt Organisatioun ze garantéieren, encouragéiere mir jidderee fir all véier Wochen déi selwecht Zäit ze schaffen. Dëst heescht dat s du dech zum Beispill all véierte Samschden vun 10:00 bis 12:00 aschreiws. Ausnahmen de 4 Woche Rhythmus ze ënnerbrieche kënnen a bestëmmte Fäll gemaach a ginn zesumme gekläert (z.B. ass et méiglech am Fall wou een an d’Vakanz geet an engem Mount 4 Stonnen ze schaffen an am nächsten 0 Stonnen. D’Stonne ginn addéiert, den Total solle 26 Stonnen am Joer sinn).
Déi meeschten Hëllef wäert gebraucht gi beim alldeegleche Geschäft. Hei sinn e puer Beispiller:

  • Inventaire / Stock
  • Botzen (Siloen, Etagèren, Buedem, …)
  • Etagèren opfëllen
  • Bei den Atelieren oder Evenementer hëllefen oder seng eege Kompetenze bei engem Atelier ubidden
  • D’Cliente begréissen a beroden wéi ee bei OUNI akeeft / iwwert Produiten informéieren
  • D’Clienten um Comptoir zerwéieren
  • Online-Commande preparéieren
Ech si Student oder an der Pensioun a just heiansdo zu Lëtzebuerg. Kann ech trotzdem en aktive Member ginn ?

Mir versichen e System un ze bidden, bei deem sech jiddereen involvéiere kann. Studente kënnen zum Beispill hir Aarbechtsstonnen un engem Stéck während de Vakanze leeschten. Et ass en Total vu 26 Stonnen am Joer ze leeschten. Wëll mer generell wënschen dat d’Aarbechtsstonnen op enger regelméisseger Basis geleescht ginn, sollen dës Ausnahme mat der responsabeler Persoun fir déi aktiv Memberen am Virfeld gekläert ginn.

Wat sinn Aarbechtsgruppen? Wat sinn d’Themen?

Aarbechtgruppen si Gruppe vun e puer Leit, déi sech regelméisseg treffe fir un diverse Schwéierpunkten an Themen ze schaffen. Hei si Beispiller vun Aarbechtsgruppen:

  • Fournisseuren a Produiten
  • Ariichtung
  • Atelieren
  • Kommunikatioun an Evenementer
  • Memberen
  • Liwwerung mam Velo
  • Finanzen
  • Internet Site
  • Ëmweltimpakt
  • Hygiène

Iwwert de Buttek

Wéi eng Produiten ginn et ze kafen?

Mir bidden eng ganz Gamme u Liewensmëttel(Zerealien, Lënsen, drëchen Liewensmëttel, Ueleg an Esseg, Gedrénks, Uebst a Geméis, Kéis, Mëllech, Joghurt asw.) an Haushaltsartikelen un. D’Memberen an d’Clienten hunn och d’Méiglechkeet Produite virzeschloen a kënnen hir Suggestiounen an engem Buch hannerloossen. Dës Iddie ginn da vum Aarbechtsgropp “Produiten / Fournisseuren” mat berücksichtegt.

Wéi gëtt d’Hygiène vun de Produiten garantéiert ?

D’Gewährleeschtung vun der Hygiène vun de Produiten ass eng wichtegt Uleies fir OUNI. Et gëtt eng speziell Prozedur implementéiert, déi gutt hygienesch Konditioune sécheren. Déi aktiv Memberen an d’Personal am Buttek ënnerzéien sech enger Formatioun bevir de Buttek opgeet. Déi 1t Kontroll vun der Division de la Sécurité Alimentaire vum Gesondheetsministère huet d’Conformitéit vun den Hygiènesregelen bei OUNI bestätegt.

Wéi ginn d’Fournisseuren ausgewielt ?

D’Fournisseure gi sorgfällteg a laut verschidde Kriterien ausgewielt:

  • lokal Produktioun
  • biologesch Produktioun
  • reutiliséierbar Verpackung fir den Transport
  • fairtrade Produiten
  • keng artificiell Additiven
  • saisonal
Wäert et Iech méiglech sinn méi niddreg Präisser unzebidden ?

D’Präisser wäerten ënnert dem Duerchschnëtt vun héichwäertege biologesche Produite leien. Dat kann awer net fir all Produit vun all Fournisseur garantéiert ginn. OUNI versicht déi bescht méiglech Léisung unzebidden.

Well OUNI eng non-profit Cooperative ass an déi aktiv Memberen aushëllefen, ass et OUNI am allgemenge méiglech d’Präisser méi niddereg ze halen. D’Produiten am Lassenen ze verkafen erméiglecht et och d’Präisser méi niddereg ze halen (well schätzungsweis 15% vum Verkafspräis fir d’Verpackungen agerechent gëtt).

Wéi vill Aarbechtsplazen si geschaaft ginn?

De Buttik gëtt momentan vum Caroline Lam (Grënnungsmember) a vun 3 Vendeusen gehalen: d’Valérie, d’Delphine an d’Chloé. 4 Aarbechtsplazen sinn also geschaf ginn.

Wäert den Impakt vum Buttek iwwerwaacht ginn ?

Jo, mir hunn en Aarbechtsgrupp deen zoustänneg ass fir de sozialen an den Ëmweltimpakt vum Buttek ze moossen: wéi vill Energie a Ressourcen si gespuert ginn duerch d’Konzept vun OUNI. Dobäi kënnt och, dat OUNI selwer och versicht esou wéineg Offall wéi méiglech ze produzéieren.